蓋鳴暉（Joyce）今日喺紅磡出席「睦群會聚 心繫更新」記者會，並會喺11月於新光戲院演出一場粵劇折子戲，為更新人士協會籌款。Joyce表示自己係第一次為更新組織籌款，日前仲應邀到勵敬懲教所參觀，佢話：「入邊有好多唔同嘅課程畀更新人士進修，各行各業好似中西餐都有，我嗰日食嘅午餐都係更新人士煮，有唔同嘅導師教授，幫佢哋重新投入社會。」Joyce話雖然佢哋曾經犯過錯，但好支持再畀機會佢哋重投社會，又笑言如果遲啲有粵劇訓練班都會願意教。

Joyce又大讚更新人士有禮及懂尊重，紀律及生活規律好，值得時下小朋友學習：「今時今日家長太愛錫小朋友，身邊都有啲朋友細路好曳。」完成今次演出後，Joyce就要為《歡樂滿東華》演出做準備，稍後會考慮旅行充電。

精選娛聞，喺晒《娛果》
http://fb.com/appledailyent