傷兵方面，英格蘭除咗奧雲受傷肯定缺席外，其餘正選球員都可以披甲上陣，相反葡萄牙今場有迪高同哥斯天拿兩位中場主力停賽，大大減弱中場線嘅實力，難怪現時英格蘭要讓到平/半，仲要低水。
睇過兩隊喺決賽周4場賽事嘅表現，都非常穩定，不過今場最關鍵就係中場線，我會秤高英格蘭少少，揀個讓球「主勝」。
另一場心水係巴西對法國。巴西響今屆決賽周都冇受過考驗，贏嘅只不過係克羅地亞、澳洲、日本同加納等實力一般球隊，巴西中前場攻力就絕對唔使懷疑，不過後防就經常錯漏百出，4位後防主力頻頻上前助攻，漏洞相當之多，好在中前場攻力搭夠。