現任網球一哥拿度，最近接受西班牙傳媒《阿斯報》嘅專訪，傾到之前16年嘅職業網球員生涯，當然亦都有傾到佢嘅好朋友兼老對手費達拿。當記者問到佢見到費達拿36歲仲可以打出咁高水平嘅網球，會唔會推動到佢，甚至佢本人會唔會都想打到36歲時，拿度就話自己真係無諗過。

拿度表示，佢相信每個人都有自己嘅打算，有啲人做到唔代表其他人都做到，「我相信費達拿呢幾年都有諗過退落嚟。打抑或唔打，真係好視乎你嗰陣健唔健康，或者心態係點。正等如我26歲都無諗過我到31歲仲打緊，所以呢一刻，我都無諗住打到36歲，但世事嘅嘢講唔埋嘅。」

另外，記者都有問嚟緊嘅2018球季，拿度會點部署。拿度表示佢2017年打左18個賽事，雖然唔係好多，但多數比賽都係贏，佢嘅想法係2018年盡可能打多啲賽事。拿度將會喺明年初出戰布里斯本國際賽，備戰澳網。

----------------
BFB CHAMPIONS 2.0 聖誕新年活動連環出擊，登入即送傳奇球星「林伯特」！ http://bit.ly/2xrTKGM