在大趨勢講低油耗、低排放之時，新到港的LexusIS300h便是三款新IS車系中，唯一獲政府環保汽油私家車稅務寬減的房跑，做到既有型跑味又夠環保。車身配備的2.5L直四VVT-i引擎本身就夠力有餘，加埋電動馬達雙管齊下，總輸出達223PS馬力實在勁道十足。IS300h備有EV、ECO、Normal及Sport四種駕駛模式，輕輕一轉波棍下面的旋扭就能轉換模式，而錶板左方就會清楚顯示行車時的動力分配，7吋高清顯示屏亦都會提供動力顯示，最省油當然是全電的EVMode，每公里都只消$0.8！除了夠環保，外形方面也非常吸引，IS300h雖比IS350FSport斯文，不過車身細節仍保留了IS車系的房跑型味，頭燈下面的勾魂箭及簽名式的SpindleGrill鬼面罩睇落霸氣十足。還有17吋多幅式合金輪圈，輪距也比上一代多增加了70mm，令後座更加闊落。新設計的中控也很有睇頭，冷氣位之間加入了指針式時鐘，頗有Vintage老闆車的味道，另備有靜電式觸感溫度調控，手指輕輕滑過就可以控溫，型！


倪匡、蔡瀾同肥佬黎約埋一齊《亂噏24》，你睇咗未？
唔睇冇話題，第一集足本放送中！速上：
http://hk.apple.nextmedia.com/livestream/channel/talk24