大陸劇《延禧攻略》除咗讓女主角吳謹言一炮而紅．扮演「嫻妃娘娘」嘅佘詩曼，角色由純純兔變黑心皇后，阿佘嘅演技冇得輸；而扮演後宮第一美妃「順嬪」嘅張嘉倪，在微博晒阿佘為其梳頭相，留言：「今天的頭髮是紫禁城髮型總監嫻妃娘娘（輝發那拉氏）給做的！愛你姐！」

相中張嘉倪坐在鏡子前，阿佘站在身後幫佢梳頭，擺出嫻妃娘娘笑裏藏刀嘅表情，戲裏戲外一樣投入，認真一絕，工作人員留言：「皇后娘娘在為順嬪梳頭髮呢，估計又在使什麼招呢！」阿佘都轉貼張嘉倪嘅微博，搞笑寫道：「終生職業」。

而阿佘幫順嬪梳頭嘅相片，令人聯想起嫻妃娘娘在劇中變奸後，曾為同樣向乾隆爭寵嘅純妃梳頭，刻意整痛純妃欺壓，還有出手向高貴妃扯頭髮照鏡嘅畫面，網民搞笑留言：「輝發那拉氏帶人照鏡子可不是甚麼好事兒」。

31歲嘅張嘉倪於06年參加湖南衛視《尋找紫菱》選秀獲冠軍，翌年拍攝瓊瑤翻拍劇《又見一簾幽夢》扮演「紫菱」，27歲生日會上接受男友求婚，兩人婚後至今誕下兩個兒子。

精選娛聞，喺晒《娛果》
http://fb.com/appledailyent