社民連梁國雄「長毛」今早以團體代表身分，出席長期護理政策聯合小組委員會。長毛會後受訪時表示，目前正申請法援，相信申請成功的難度不高，因為現時自己沒有資產，沒有議員薪酬，銀行戶口亦不多錢，相信法援是否獲批，當局主要是考慮勝算問題。對於林鄭稱要按法庭裁決追回訟費，長毛認為反映林鄭「完全唔識法律」，認為4名議員被判喪失資格後，被追討欠款的應是立法會主席梁君彥，「因為梁君彥畀錢我地，成事件其實係梁君彥要賠錢，唔係我地要賠錢，就算係錯，都係佢(梁君彥)錯」，因為當日是梁君彥宣佈4人宣誓有效，又指出官員被徹職時，亦不會被追討薪酬。

長毛又批評，人大釋法時已「顛咗」，並未有考慮到普通法，「我覺得林鄭係講大話的，因為法庭畀個判決，無話叫佢點樣做，佢係點樣做都得既，因為當日梁君彥監誓話我係議員，我無迫佢(梁君彥)喎，第二，我無迫佢(政府)打官司打慢啲過喎，第三，我地真係做咗嘢，我日日都有返嚟返工，我地有幫香港巿民做嘢，有乜理由我通過選舉、受選民委托做議員，主席話我可以做議員，人大常委話我可能唔係議員，而政府由得我做議員，跟住去告我，法官由得我做議員？」

長毛又指出，自己是3月受審，現時延至7月才宣佈，「佢地(政府)咁樣喺度拖拉，咁樣成日改位置的時候，如果覺得我受選委托做議員係唔應該，咁點解佢地做得咁慢？佢地做乜嘢架？袁國強、林鄭、梁振英、梁君彥做咩嘢架？我覺係非常之無恥！我冇權，佢地有權，你行使你的權力行使錯咗，要選民選出來的議員負責，係荒天下之大謬！」

對於林鄭今日稱不會就補選安排「乘人之危、落井下石」，長毛指，「我覺得林鄭月娥第一樣，係要搞清楚，佢唔會再用公權力去DQ其他議員先，呢個唔係係咪落井下石的問題，而係窮兇極惡，佢首先要唔好窮兇極惡，先至再講唔會落井下石，一個人有兩把刀喺手，喺度揚威耀武，佢話我宜家唔想表現我的淫威，唔該啦！」。長毛又指，政府聲稱暫不會再申請取消議員資格，但做法是如有「藍絲」人士申請司法覆核時，政府可用公權力，以保障公眾利益為由，代他們進行司法覆核。

其後立法會秘書處職員即上前阻止長毛繼續受訪，指長毛今日只能發表與「護理政策聯合小組委員會」會議有關的言論，長毛亦隨即離開立法會二樓走廊。