周二亞冠盃分組賽有兩場中超對澳職的大戰，其中廣州恒大靠星級巴西外援泰利斯卡踢咗十分鐘就省兩粒，加上楊立瑜同對手布洛斯咸嘅烏龍波，主場4:0大勝有本田圭佑領軍嘅墨爾本勝利，三戰兩勝同FC大邱、廣島三箭同得六分並列F組榜首，呢組爭出線仲有排鬥。另一場上海上港作客FC悉尼就上演入球騷，主隊三度領先之下，最終都喺畀上海外援艾傑臣完場前一分鐘入波，追成3:3平手完場。

今仗廣州恒大盡派主力出戰，其中泰利斯卡、保連奴、布朗寧全部正選，客軍墨爾本勝利亦有本田圭佑、托禾倫等擔正。開賽僅六分鐘，郜林左路突破傳中，泰利斯卡頭槌破網領先；四分鐘後，泰利斯卡禁區頂推順左路射遠柱破網，助恒大10分鐘便領先兩球。戰至42分鐘，另一外援保連奴將皮球傳到右路，楊立瑜第一時間射遠柱破網，加上下半場對手布洛斯咸的烏龍波，令恒大以4:0擊敗勝利。

同日另一場上海上港作客FC悉尼，主隊開賽3分鐘便憑施安迪莊禁區頂射門，省中上港守將改變方向入網領先；戰至27分鐘，上港巴西外援奧斯卡左路傳中，呂文君頭槌破網追成1:1平手。但戰至32分鐘上港守將在禁區內犯手球，FC悉尼方祖操刀12碼命中；但事隔四分鐘，上港另一巴西外援侯克右路傳中，今次到于海頭槌建功，令兩隊半場踢成2:2平手。直至完場前六分鐘，方祖左路傳中高查尼赫特頭槌攻門被擋，保斯基衝前補中，令FC悉尼再次領先至3:2；滿以為主隊能贏波之際，完場前一分鐘，上港另一巴西外援艾傑臣在禁區左路窄位射門破網，最終令上港在3度落後之下追成3:3平手完場。

--------------------
追蹤真相 守護公義
免費訂閱支持蘋果 4月10日無阻盡覽
https://hk.adai.ly/PMtkKQIUBV
--------------------
動腦Q金像獎周
4月8日-12日 10:30PM
Let’s Q the money！Action！
https://hk.adai.ly/zpCd06PPwV
--------------------
係你！打造星級球隊，征服各地聯賽！立即加入『BFB CHAMPIONS 2.0』！
http://bit.ly/2BUtLvW
--------------------
《體蘋果》陪你睇波講波
https://www.fb.com/appledailysports