【記者林熊、張景昕、郭杏妤首爾直擊】

「佢哋（韓國人）擤鼻涕唔用紙巾，沿用舊方法，你仲會見到，佢哋衞生意識？好差就唔係，差囉！」在首爾的電台做DJ的港人Stefan，4年前落地生根，她形容韓國人衞生意識差，習慣隨地吐痰。疫情出現後，連電視台記者都戴錯口罩，做不到良好示範，「記者喺電視前做錯，點會有人做得啱。」另一過埠新娘、旅行社客戶服務員阿Vi，因武漢肺炎停工約一個月，也轟韓國人衞生意識十分差，因擔心受感染，她暫不再外出娛樂。「以前得閒都會同朋友到卡拉ok唱歌，或者到波樓篤波。依家真係唔敢，感覺好危險，但係當地人仲未認真知驚。」

大邱市噴射式爆發武漢肺炎，確診個案一日逾百宗。距離大邱市230多公里的首爾，正面臨武漢肺炎疫症的大爆發。疫症爆發前夕，28歲港女阿Vi帶記者到卡拉ok、波樓及街市等地，了解當地人的薄弱防疫意識。

「呢度通常都係中學生，後生啲嘅人會嚟。呢個佢哋係叫 Coin노래방（投幣式卡啦OK房），佢哋計每一首歌嚟入錢唱K，500won唱兩首，其實你唱完就可以走，所以想有少少娛樂嘅時候，嚟呢度唱幾首就可以返屋企。」

阿Vi帶記者入其中一間房間時說：「疫情之前，其實每一個客人離開房，都會噴吓嘢，但我諗嗰個唔係消毒囉，純粹係啲香劑，但依家我都唔係好見到。」她指K房僅30呎，空氣不流通，所有按鍵又沒保護膜，更沒定時消毒，連給客人替換的拖鞋都無任何消毒，越想越可怕，最後只好放棄不再來。

篤波也是阿Vi的消遣活動，她帶記者到平時光顧的桌球室，只見逾2千呎的面積，近30張波枱，只有7至8人圍着兩張枱玩。「呢啲波樓好少見人戴口罩，佢哋冇乜危機意識。」阿Vi強調，港人經歷過沙士，防疫意識強，自韓國發生疫症，她就不外出娛樂。「喺屋企打機囉，我屋企有switch。」

阿Vi帶記者到寓所附近的街市參觀時說，真正定居首爾一年半，開始融入當地人生活後，才發現韓國人的日常生活衞生意識十分差，可隨時隨地見到有人當街吐痰，打噴嚏不掩口，就算咳嗽也不會戴口罩等。爆發武漢肺炎後，當地人開始有危機意識，開始注意做防疫措施，戴口罩及使用消毒搓手液等。

記者見到當地的街市，蔬菜品種極少，只有白菜，光顧的人也很少。「依家啲人會網上買日用品，蔬菜就到超市買。」現時開始做網站生意，以幫補收入的阿Vi稱，想過回港避疫症，但因入籍手續等因素，只好放棄。「其實坐飛機過程都有風險，感覺留喺屋企比較安全。」

對於大邱市大規模爆發疫症，阿Vi表示，在韓國本地人圈子傳聞指，周圍播毒的61歲大媽出席一個教會喪禮，喪禮上或有來自中國帶菌者，她受感染後再參加教會活動，將病毒傳播，據悉她病發前又到首爾參加一個婚宴。「所以我父母，香港啲朋友都好擔心我。依家屋企門口會擺支消毒液，入屋前乜都要噴一輪。」

阿Vi老公從事產品工程顧問，以前對個人衞生意識很差，「佢哋覺得戴口罩講嘢，係對人無禮貌。」近來經阿Vi「日哦夜哦」後，丈夫現也習慣了戴口罩，亦大量減少朋友飯局。

在首爾國語電台做DJ的港人Stefan早年在當地留學後，4年前落地生根，嫁給韓國丈夫。她形容，韓國人衞生意識不佳，「佢哋（韓國人）濞鼻涕唔用紙巾，沿用舊方法，你仲會見到，佢哋衞生意識？好差就唔係，差囉！我身邊接觸嘅人，例如我丈夫嘅親戚，佢哋口話驚，但身體好誠實，咩都唔做，或者唔太在意。」

Stefan表示，當地人隨地吐痰見慣不怪之外，就連口罩都戴錯，連電視台記者都一樣。「即使JTBC或其他新聞台嘅記者，佢咃都係將口罩掛喺下巴，基本上（戴口罩）都講到嘢，但佢哋都係除口罩，然後掛喺下巴，咁都係錯嘅，記者喺電視前做錯，點會有人做得啱。」

她工作的電台，最近因應疫情已加強防疫，部份出入口有消毒洗手液提供，會幫同事量體溫等。但她最擔心的是新年期間返內地探親的拍檔。「佢（家鄉）喺湖南，但佢係咪返湖南我都唔知，始終大家係拍檔，咁問似乎歧視對方，覺得對方已中招。」Stefan批評，韓國政府的抗疫反應，跟香港政府一樣，都是慢九拍。「正正係反應慢，所以有社區爆發。」

南韓周三公佈新增169宗個案，在37日內確診數破千，至今共有1,146宗。新個案中有134人來自大邱、慶尚北道亦有19人證實確診，餘下的分別是首爾4宗、釜山8宗、仁川1宗、京畿道1宗及慶南2宗。全國累計至今有11人死亡。

第1日直擊請按=>
【武漢肺炎●韓日連線】《蘋果》直擊兩地疫情爆發 韓現「口罩族」日現搶罩潮
----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568