政府公佈九龍西補選日期後，《蘋果》記者於深水埗西九龍中心外隨機訪問巿民，查詢若民主派可以派劉小麗、李卓人或馮檢基參加補選，會投票支持哪一位？大多受訪巿民都稱會選擇劉小麗或李卓人。

今年50多歲任職搬運業的九龍西選民陳先生表示，「我梗係揀劉小麗，劉小麗夠積極，如果下次補選，我想支持佢」，陳先生其後更主動與在場設街站的劉小麗握手，並說：「佢（劉）夠積極又夠靚女，唔做議員好可惜，佢根本好想代表我地巿民講說話，我睇得出㗎，佢係好用心想幫我哋低下層講吓嘢」。

今年47歲任職教師的孫先生亦指，如果劉、李和馮三人都能在補選入閘，他會投票支持劉小麗，原因是劉在立法會選舉宣誓方式「夠guts」，令他有很深印象，「我覺得佢（劉）被取消資格好可惜，我諗如果佢喺（立法會）入面呢，民主派會好啲嘅」。

被劉小麗視為「Plan B」人選的李卓人亦不乏九龍西街坊支持，不少街坊見他與劉小麗一同開設街站，亦主動上前與其傾談。任職飲食業、46歲的黃先生表示，「我諗住支持李卓人，因為李卓人輸過新界西，我想佢入返立法會」，大讚李卓人過去出任議員時「幫到街坊」。65歲的家庭主婦、九龍西選民劉小姐亦稱支持李卓人，「我揀李卓人，因為佢知名度高，同埋佢真係為勞工，小麗都好好，但我哋要有勝算，就要選李卓人」。