房祖名去年喺北京容留他人吸毒罪成，被判入獄6個月，今年二月出獄，早前佢接受《台灣蘋果日報》專訪，講到獄中嘅生活；最近祖名接受內地傳媒嘅訪問，講到佢出獄後嘅事。

祖名指佢出獄之後，將入獄半年內冇睇過嘅電影、卡通全部睇一次，連佢最鍾意嘅音樂，都全部聽過一次，佢話咁樣自由同單純嘅生活，令佢好開心。佢又指喺獄中好似返學咁，但唯一唔同就係唔可以見屋企人。

講到出獄之後佢最想做咩，佢就話原本好想去一次旅行，但係最後最想嘅都係陪住屋人，又指同成龍嘅關係都有所改變，0依家半年都會見到三次，仲多咗互傳訊息。

祖名喺入獄之前有好多朋友，但出咗獄之後，就人情冷暖咩都睇清楚，對於呢件事，祖名就話睇得好開，因為佢少咗唔需要嘅朋友，多咗真心嘅朋友。

祖名0依家準備緊新嘅專輯，佢就希望下年可以出到，問到幾時會全面復出拍戲？祖名就話要睇政府、傳媒、觀眾畀唔畀機會佢。