【7.21冇人12.26橫行】蒙面警屈商場客偷機密信欲強拆 笠水後兇人阻差
蘋果日報 2019/12/26 18:58
尖沙嘴海港城
警方在7.21元朗恐襲遲到39分鐘，目睹白衫暴徒在港鐵站施襲卻掉頭走，即使看見他們持武集結，也扮看不到，甚至與其拍膊頭，一同進入村公所，令廣大市民質疑「警黑勾結」，自製「無警時分」。屢被嘲「7.21唔見人」的警隊，在Boxing Day大舉闖進各區多個商場，以電筒強光挑釁、喝斥、搜查和追捕市民。其中在尖沙嘴海港城港威商場2樓，大批蒙面警搜查市民的隨身物品，一度質疑某男子持有的機密信件並非屬於其本人，欲強行打開信件查看。
從事保險業的陳先生被截查時，一度被警方指他身上有不屬於他的物件，又一度想拆開其機密信件，最終致電客人證實信件屬於自己，「識㗎嘛吓話？寫住機密兩個字，唔識英文都識中文啦。」
警方證實信件屬實後，陳先生繼續與警員理論，又被警員叫他不要再挑釁，否則控告他阻差辦公，「佢哋可能覺得我辯論就係欺負緊佢哋啦，侮辱緊佢哋智商，因為佢哋唔明白吖嘛……都明嘅，成日蒙面，個人就躁，個樣又蠢，行到邊俾人鬧到邊，我體諒，但都唔可以打蛇隨棍上亂咁嚟。」他又不解為何今日要有大批警員駐守商場，「7.21又唔見你有人喎」。
店舖紛落閘
「怕X咗佢哋！客人驚被追打即走」
「怕X咗佢哋！客人驚被追打即走」
港威商場3樓一間護膚品店一度落閘半小時，職員S小姐（化名）指，由今早到下午3時多商場一直相安無事，「冇人聚冇人叫囂」，不理解為何大批警員要突然衝入商場，連該店客人也受驚，「見到警察先落閘，怕X咗佢哋啦！有客人原本喺度都即刻走，驚會追住佢嚟打。」
下午約5時起，約10多名市民在港威商場高叫「香港警察、知法犯法」等口號，不久逾20名蒙面防暴警走入商場，截查多名年輕男女。記者問警員為何會在大時大節進入商場截查市民，對方未有回答，但埋怨記者「阻住人」，又教記者做嘢「影吓啲曱甴」，而記者鏡頭一直拍攝警員。
-----------------------------
民陣元旦大遊行
