12月14日係咩日子?各位星戰迷可能第一時間諗到係《星球大戰:最後絕地武士》首映日，但呢日原來都係數碼港同一班園內企業舉行周年晚會嘅日子。

數碼港為慶祝園內企業突破1,000間，邀請傳媒朋友齊歡唱同慶賀。可能深知數碼港位置偏遠，數碼港主動送出兩張星球大戰戲飛畀出席嘅傳媒朋友，聽講當日仲要係數碼港戲院首次以4K畫質播放電影。數碼港又講明「唔使驚交通問題，我哋會安排專車接送傳媒」，成件事真係好有誠意喎!

除咗傳媒外，數碼港其實都冇大細超，包場請當晚出席嘅初創企業一齊睇戲外，亦都另外準備100張飛俾其他園內企業，不過就要抽中先有咁解。