陳蕊蕊課金萬元買武器被執走勁肉痛 與男伴打機測試合拍度
蘋果日報 2020/09/20 21:58
陳蕊蕊今日出席活動時，提起打機的「慘痛」史。（蘋果日報）
陳蕊蕊、張若錡等今日在尖沙嘴出席電競比賽，陳蕊蕊平時也愛打機，也會打得很肉緊，間中會課金，之前玩手機遊戲時，曾試過以萬元買武器，但慘痛經歴令她肉痛，她說：「試過買武器，但唔小心跌咗喺地下俾人執咗，冇咗嗰件武器我個角色就變得冇用。」
雖然喜歡打機，但陳蕊蕊不喜歡男友太投入只顧投入虛擬世界，她說：「咁梗係唔得啦！如果掛住打機真係會嘥晒時間。」問她現時的男伴是否已成男友？陳蕊蕊笑言仍在了解中，有指打機可以看到一個人的性格，她跟男伴打機並沒有出現負面情況而要扣分：「佢都鍾意打機嘅，未結婚都好難講，現時都夾嘅，有時打機我都會有啲躁底，但唔會爆粗嘅，打完機就冇事，唔會影響感情。」
陳蕊蕊（左二）今日出席電競比賽活動時，透露自己與男伴同樣愛打機。（蘋果日報）
陳蕊蕊稱會藉打機觀察男伴。（蘋果日報）
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！