東方電影有限公司昨日上午於銅鑼灣一商業大廈舉行記者招待會,並進行電影《枕邊兇靈》的開鏡及公司搬遷拜神儀式。出席的演員包括《枕邊兇靈》的男、女主角陳小春及林熙蕾等,而黃百鳴更請來風水師區仲德主持拜神儀式。
嬉水池如浸腳池
小春由於跟栢芝鬧過緋聞,拜神儀式完結後即成為記者追訪的對象,對於栢芝被捲入謝霆鋒被廉政公署拘捕事件,小春表示目前敏感時期,自己不便多言。
小春又說,他與栢芝雖然同為康樂園住客,但並沒有探望對方。對於可有到栢芝常去的住客會所玩耍時,小春說:「我都冇去會所玩嘅,嗰個浸腳池(嬉水池)嚟嘅,要玩都出去玩啦。會所收費成三萬三(一年),個嬉水池都唔好玩嘅,曬太陽倒不如喺屋企天台曬重好啦。」
新片望鬼節上映
此外,出任《枕邊兇靈》監製的雷宇揚表示,由於自己第一次做監製,所以特別緊張,更請黃貫中客串,他透露此片將投資四百五十萬左右,是他第十部編劇的作品,預算在農曆七月十四日鬼節上映。
小春忙碌難度期
雷宇揚說:「陳小春個期好密,好難度期,今次搵到佢拍,係因為好彩佢呢排喺香港錄音,所以先有時間,佢呢排咁多新聞,都好怕見到傳媒,今次佢肯嚟,真係好畀面。」
《枕邊兇靈》講述小春飾演的醫生天生陰陽眼,因一宗姦殺案而周旋於林熙蕾及陳敏之之間。