由韓劇《大力女子都奉順》嘅26歲男星朴炯植同《紳士的品格》嘅46歲型男張東健拍攝嘅KBS新劇《金裝律師》，噚日喺韓國播出第14集，港劇迷可於Viu同步追看。

承接上集劇情，張東健喺兩年前負責咗一單懷疑汽車失靈以致他人身亡嘅案件，當時敗訴嘅遺屬因為搵到新證據，所以就再次起訴汽車公司，汽車公司更選擇咗張東健嘅死對頭蔡律師打官司，而此時張東健被搵出不法文件，佢仲解僱咗得力助手蔡貞安。

深夜張東健去搵朴炯植，向佢解釋點解要解僱蔡貞安，原來蔡貞安為咗保護張東健，未去搵方法去證明證據係假，就自行銷毀咗有關證據，而張東健炒佢魷魚就係為咗保護佢，點知卻令張東健陷入咗別人嘅圈套中，張東健向朴炯植話：「明天我會若無其事咁返工，我會想辦法解決。」同時亦叫朴炯植如果有乜事發生，佢就要另謀出路。另一方面，咸律師正密謀要把張東健趕走，並搶下姜代表嘅位置。

曾經同張東健對決嘅大衛金決定要重挫佢，並對張東健起底，發現張東健自小失去母親，一直跟住賭徒父親成長。張東健正式被起訴，更有機會坐監，朴炯植提議透過模擬法庭，畀張東健最後一次機會。朴炯植喺模擬法庭上擔任辯護律師，並向咸代表話自己會喺法庭上證明張東健曾銷毀證據，令咸律師卸下戒心。

姜代表喺模擬法庭上，講出張東健多年來嘅好人好事：「佢有溫情嘅一面，但佢拒絕讓別人知道。」朴炯植成功說服蔡貞安現身模擬法庭，但佢竟然提出蔡貞安因為愛張東健先會為佢做任何事，令蔡貞安大感難堪，而張東健亦都大感生氣，但朴炯植強調此舉只係為咗幫助張東健，到底朴炯植盤算緊乜嘢呢？而《金裝律師》將於下周大結局。

《金裝律師》噚晚一集收視有9.2%，穩坐同時段收視冠軍；而黃靜茵孖南宮珉主演嘅新劇《訓南正音》，噚晚播出嘅第11、12集就有4.1%、4.4%收視率，至於MBC方面因播出足球賽事，所以《過來抱抱我》就暫停播出。

相關新聞連結：
【第1集】張東健孖朴炯植發威 《金裝律師》開播穩坐收視冠軍
https://bit.ly/2jMFLGe

【第2集】朴炯植施計成功令張東健升職 《金裝律師》繼續做收視一哥
https://bit.ly/2IyWr2b

【第3集】朴炯植飲醉酒激嬲張東健 《金裝律師》收視勁升
https://bit.ly/2wwtVtd

【第4集】張東健同舊情人愛火重燃？咀完仲有下文
https://bit.ly/2rAR4Fg

【第5集】張東健被挑機 朴炯植高聖熙三角戀一觸即發
https://bit.ly/2IvqsA0

【第6集】朴炯植激到高聖熙面臨崩潰 《金裝律師》收視險勝
https://bit.ly/2Ko6unO

【第7集】高聖熙表白朴炯植：我很在意你 張東健有黑歷史？
https://bit.ly/2rW8U5Q

【第8集】《金裝律師》朴炯植被炒魷魚？ 《我的大叔》結局收視創新高
https://bit.ly/2LsxX8G

【第9集】黃靜茵新劇收視不敵《金裝律師》朴炯植張東健合力翻案
https://bit.ly/2kS8IRK

【第10集】張東健成功翻案 朴炯植 高聖熙感情升溫
https://bit.ly/2sCGu1y

【第11集】感情突飛猛進 朴炯植情深咀高聖熙
https://bit.ly/2sPppB8

【第12集】張東健同朴炯植決裂？ 《金裝律師》穩坐收視冠軍
https://bit.ly/2Je41jT

【第13集】朴炯植再咀高聖熙 送戒指確定戀人關係
https://bit.ly/2JEdHU6

更多韓流，喺晒《娛果》
http://fb.com/appledailyent