正當一眾外籍練馬師紛紛返家鄉，度過聖誕及過新年之際，新練馬師麥菲文卻留港勤加備戰。

今晨（22日），當旗下有賽程戰馬出操時，見倉主麥菲文全程觀察各駒走勢，仲趕返沙圈睇馬添，緊張到痹。單看練馬師一連串的舉動推算，應該唔會無的放矢。

周末（23日）沙田日馬賽事，此倉口的第三場之「飛霸龍」到港後兩出兩捷，潛力未盡露。

今戰夥拍祈普敦列陣第三場新馬錦標草地1400米，賽前操足做晒工夫而臨，應屬馬房變倍器，相信其餘上陣馬亦會配合出擊，隨時大獲全勝。

另外，鏡頭影到佢同今期冇合作嘅潘頓並肩密斟，唔通係幫「飛霸龍」刺探對方軍情之用，蓋後者周六將策「美麗寶貝」同場出師新馬錦標。