「日後點判都好，都冇所謂啦。我𠵱家講咗我想講嘅嘢出嚟，舒服晒。見番佢（被告）都冇乜特別感覺，都冇話嬲唔嬲嘅。」他從小怕事，一直將今次事件隱瞞家人，「事發後我一直收埋自己，唔敢聯絡人。今次為屋企人帶嚟咁多麻煩，好對唔住佢哋。」胞姐對於他今次肯站出來，大表欣慰。
「我細個時都係咁儍更更，甚至可以話係戇直，但經過呢件事之後，我成長咗好多。」在他身旁的母親多次試圖打斷他說話，但他示意母親他可以處理。「我唔介意人哋鬧我白癡儍仔，我都唔理啲人嘅。」記者跟他到快餐店，只見他不停吃薯條，奇怪下問他只吃薯條是否夠飽，他驚叫：「係喎！我個包呢？」跟着一支箭跑到櫃位拿包。原來他付錢後竟忘記取漢堡包，若不是記者問起，他可能離開都不察覺。他已轉到馬會工作，問他現在有否被人「蝦」，他笑說：「梗係唔會好似以前咁啦，大家後生仔，玩吓都有嘅！」
本報記者