中聯辦主任張曉明日前出席立法會午宴，雖然泛民議員批評他對政改、佔中態度「表面軟、內裏硬」，但泛民議員也不得不承認，同樣要向北京交差，張曉明擺出的姿態就較梁振英好得多。
據聞西環當日午宴後已考慮「禮尚往來」，有意回請立法會議員，有泛民議員私下表明，若西環在中聯辦回請，「咁唔係叫有誠意，係叫靠害！」
季陶聽聞昨日中聯辦副主任王志民午宴後對建制派議員說，考慮回請全體議員，但何處請宴卻頗令人頭痛。原本要顯示誠意，西環理應在中聯辦內回請，但他們也知道，部份泛民議員未必再肯走入中聯辦，正考慮是否在酒店等地方回請，但回請一事料最快也要至暑假後才實行，西環大可「慢慢諗」。

「上次入完西環重傷」

有泛民議員對季陶說，若然真的要在中聯辦內回請議員，「咁就唔使預我哋！」，原因是：「上次入完西環（2010年傾政改）後重傷，所以叫我哋入西環食飯，唔係有誠意，係擺明靠害！」就算在酒店等地方回請，該泛民議員也說要諗諗先，「如果佢（中聯辦）9月、10月回請我哋，到時政改、佔中討論一定更熱烈，若果到時群情洶湧唔妥北京，我哋仲去同西環食飯？咁咪自挖墳墓？」該泛民中人笑言，若要他們與西環同枱食飯，「關鍵唔喺泛民，而在於北京、西環、梁振英會唔會又搞啲嘢辣㷫港人！」

季陶