【隨處大便】清潔阿姐爆Seed︰啲人冇人性 大家又點睇?
尖沙嘴大便港鐵站
幫手執屎的清潔女工指尖沙嘴站同類事件一個月有2至3次。(簡明恩攝)
代小姐指港鐵應該給予多些公共洗手間的標記提示。(簡明恩攝)
對於有內地人在港鐵站公眾地方便溺事件,無論港人或內地乘客都對事件感到匪夷所思,但相信最辛苦的還是幫手「執屎」的清潔女工。《蘋果》找到當時負責為該內地男童「執屎」的清潔阿姐,她坦言已經「唔係第一次幫佢哋(內地乘客)執屎」,「呢個站咁大,有乜可能冇廁所」,她又指「工夫照做」,「我係度做咗6、7年,呢個站一個月都有2、3次(有乘客在站內便溺)」,她最後忍不住呻了一句「嗰啲人冇人性。」
來自東莞的劉先生,來港3、4次,雖然本身無見過有人在站內便溺,但坦言對事件表示「不接受」,「聽到都奇怪,有大人帶住都可以咁,呢啲行為唔可以接受,唔係好文明,真係好急,應該搵職員。」他知道港鐵站即使無公眾洗手間,都可向職員求助。「好急的話,可以問職員,等佢哋帶路,我都試過。」
而在尖沙嘴站便利店工作的史小姐,她指有聽聞乘客在站內大、小便,「呢個站冇廁所,但可以問職員,酌情處理,附近亦有好多商場有洗手間。」另一名乘客代小姐亦指尖沙嘴遊客同人流咁大,港鐵應該給予多些公共洗手間的標記提示。