剛才講到為咗紀念黃家駒，黃家強就發起「今天我好好」紀念活動，邀來圈中唔少紅星藝人，包括周潤發、王菲、楊千嬅、劉德華、葉世榮及五月天等，影低張相贈家駒，而所有照片收集後，就會喺家駒六月十日生忌時，砌成佢嘅圖像，作為生日禮物。

除咗呢個活動外，家強仲作咗首新歌《好好》，贈送遠方嘅哥哥，家強仲大打溫情牌，搵埋老婆參與女聲和音外，仲叫埋囝囝參與新歌MV演出，好溫馨。

MV內，更有唔少家駒昔日嘅珍貴片段；最後一個鏡頭，就係家強帶住老婆囝囝現身，希望藉呢個舉動話畀家駒知，細佬已經長大喇，佢哋一家三口過得好好，生活得好幸福。

另外，家強亦寫咗一封信畀哥哥，內容大致係提及佢曾努力守護Beyond，但最後事與願違，覺得對唔住哥哥。





逢周五隨《蘋果日報》附送嘅時尚美容雜誌《add》第三期雖然早已派完；拎唔到書嘅朋友，可以上番《add》嘅官網 http://add.appledaily.com睇番足本網上版，除咗有何超瓊專訪，仲有好多時裝靚嘢睇！