【新增影片】鄭欣宜今日同老友許廷鏗（Alfred）到尖沙嘴美麗華商場出席聖誔活動，二人自成為好友後經常拍檔搵真銀，講到聖誕，許廷鏗話：「我哋好多活動都一齊做，變咗組合，未來我哋都仲有音樂上嘅新發展，大家拭目以待。」

二人出雙入對，經常被人誤會係情侶，許廷鏗笑笑口話：「譚玉瑛姐姐之前好凝重咁問我，係咪同欣宜一齊？因為欣宜之前訪問時講錯嘢。」

欣宜也笑指連住喺加拿大嘅五姨媽都誤會佢哋係一對，佢話：「五姨媽真係以為我哋有嘢，因為之前我哋去咗加拿大拍嘢，我好少帶朋友見我屋企人。」問佢哋會唔會考慮向對方表白？許廷鏗話：「希望聖誕帶到歡樂畀大家！」身旁的欣直則罵對方說：「你答得好差！應該同大家講有嘢宣佈，just a joke。」