當年今日
關於我們
求驗客手記:風光過後被減人工 陳慧琪喊十聲 - 求驗客
蘋果日報 2009/12/22 00:00
大家唔善忘嘅話,應該仲記得「新風之后」陳慧琪(中)喺東亞運10場全勝封后,估唔到風光過後,體院10萬獎金都未落袋,就傳來減薪噩耗。事關本來攞開體院「精英甲」25,000蚊月薪嘅佢,近幾年都係靠亞運及亞錦賽頭三甲嚟保住資格,點知上年泰國亞錦賽因暴動取消。本來可以靠家喺汕尾舉行嘅亞錦賽「補鑊」,點知個比賽又得3個國家或地區參賽,唔符合體院至少要4個參賽國家或地區要求,加上東亞運又唔夠班計入「精英甲」項目,明年4月隨時要降級至「精英乙」,到時每月人工得番14,000蚊,真喺冇陰功!