韓國綜藝節目《Running Man》(RM)嘅成員李光洙聯同《屍殺列車》女星鄭有美、裴晟佑等主演嘅tvN新劇《Live》，將於後日首播，日前光洙等人已現身發佈會造勢。

而噚日《Live》劇組更公開新照，當中可見光洙好友趙寅成亦有到場探班，見趙寅成喺現場同劇組人員有講有笑，同時亦同與好友裴晟佑站在一起，據相關人士透露趙寅成今次現身拍攝場地主要係探班。

事實上，趙寅成本身同光洙老友鬼鬼，加上佢同《Live》編劇盧熙京及導演金奎泰曾合作過《那年冬天風在吹》及《沒關係，這是愛情》，所以自然到場為佢哋打氣。不過劇迷就最期待係，以趙寅成同光洙等人嘅交情，唔知佢會唔會客串一角，驚喜亮相呢？

另外，劇組今日就公開咗《Live》最新劇照，光洙仲大展佢一身爆肌，真係睇到粉絲紅到臉晒。

更多韓流，喺晒《娛果》
http://fb.com/appledailyent