森美今日去到九龍塘，為基督教勵行會擔任愛心大使，做慈善義賣活動，為幫助低收入小朋友籌款，森美話：「我平時都有教小朋友點樣使錢，好似大仔o依家去外國讀書，都有同佢講我搵幾多錢，俾幾多錢佢讀書，好似我細個爹哋畀二千蚊我去外國讀書寄宿，佢每個月都係搵九千蚊，花四分一嘅錢畀我讀書，我o依家俾我個仔嘅錢，唔止收入嘅三份一，比例仲多，叫佢畀心機讀書。」

森美指大仔今年第一年去外國讀書，o依家讀中四，森美預計大仔還要讀六年大學，森美話：「讀唔到劍橋都牛津，讀書靠自己，今朝早餐時間都有同佢哋開個家庭會議，講拍拖問題，細女o依家六年級，應該知道愛情係乜嘢，我有問個仔有冇鍾意人，佢話冇我仲擔心，鍾意人好平常，唔好咁早拍拖就得，要學點同人相處，拍唔拍拖自己可以控制。」

更多娛聞，喺晒《娛果》
http://fb.com/appledailyent