【本報訊】繼內地印刷廠拒印與雨傘運動有關的明信片後，印製雨傘T恤亦遭封殺，甚至僅得雨傘和黃絲帶圖案的T恤亦成禁忌，有內地廠商更直言：「大陸做完都運唔返香港啦！」幸得一些港產製衣公司「拍心口」，「傘Tee」才能成功面世。
將著名圖案「I Love HK」二次創作成「I傘HK」的阿力和其胞弟，打算印製數百件「傘Tee」贈予佔中集會人士打氣，但連問了六間內地設廠的製衣公司都被「落閘」，有些劈頭就問：「係咪同呢個（雨傘）運動有關？」他們表示：「講到雨傘已經係敏感，有啲公司根本未睇個公仔係點樣，已經話唔得㗎！」

港承印公司減價助印製

另一方面，以蜘蛛仔在獅子山掛上條幅的剪影，並融合雨傘設計圖案的Vasco，其友人打算將圖案製成Tee亦遭拒印，找了五間內地廠，其中一間直言擔心未必過到海關，最後要由香港公司製造才順利生產。
《蘋果》致電多間內地設廠的公司，未知印製圖案前樂於報價，但聽到「雨傘」即拒印，「黃絲帶同雨傘過海關查得比較緊張，佢會成批貨扣晒我哋，唔係淨係扣你一批貨，係過唔到關。」另有公司聽到雨傘圖案則指「收到order（命令）話唔接」。
原來「雨傘」和「黃絲帶」已成為內地「禁忌」，即使T恤上僅印上一把黃色雨傘都屬政治禁忌。阿力表示，他的設計是以一把雨傘取代心形，只為表達雨傘運動的初衷為「愛」，並無叛國意思，「係個好簡單嘅message（訊息），好pure（純粹）。」他最後找到一間在港設廠的承印公司，對方更主動將原本40多元一件Tee，減價至每件35元協助印製。他於是與朋友集資7,000元，印製了200件，主要免費派發予學生和義工，有心人可以自由定價方式購買，至今已派出120件。
獅子山T恤出乎意料受歡迎，曾有兩批有心人集資3萬元購1,000件於集會區免費派發。Vasco說：「logo（標誌）嘅意義，係呢個運動嘅參與者畀佢，我好感動有咁多人為咗爭取真正嘅普選，花咁多精神、時間同錢去做，令我覺得香港人係好了不起，好值得佩服。」