當年今日

【無綫台慶】傅嘉莉自爆被跟蹤 一男子企圖掂佢下身

蘋果日報 2013/11/19 06:00


今日凌晨,「咖啡妹」傅嘉莉喺微博自爆俾人跟蹤:「剛才10點出去家附近買點東西,回家路途中我發覺身後有一道身影跟著我,但當時我沒有很為意只專注快步回家。在過天橋中段,這身影一直跟得很貼,我走得很快但這男子也隨後跟住。直到下樓梯,摟(樓)梯很寬沒有人,所以我故意站在最右手邊下,想侍他走過我,但他不但仍跟著還貼得我非常近,這刻我真的恐懼起來」

今日傅嘉莉出席台慶活動,被問到此事,佢表示噚晚著上緊身運動衫出街,有個男人跟住佢,仲企圖用身體掂佢下半身,傅嘉莉發現之後已經怒啤佢。問佢有冇報警,佢就話:「冇,驚唔受理。」咁事後有冇唔開心同喊?佢話:「冇,只係返到屋企手腳冰凍。」

問到以後係咪唔會著到咁引人注目出街,傅嘉莉話呢一身打扮好正常,又表示:「依家街上面有好多古怪人,會少啲出夜街。」其實如果遇到危險,點都係去報警安全啲。