【更新資料】

雷神莫雷拉停賽，今晚（10日）快活谷第五場四班1650米，由雷神贏開之「獻惑」唔少騎師都「搶包山」，Ironman郭能好早send message俾廐主告東尼索騎，點知告仔決定用有5磅減嘅嘉琦BB。

雖然郭能無奈食檸檬，兼且呢場冇馬騎，但告仔仍有好嘢益佢，已決定將「加州議長」嘅帥權再次交畀郭能，出戰星期六（13日）一班田草1400米，「加州議長」上場配蔡明紹飲恨，以鼻位之差不敵「彩福」屈居亞軍，由於蔡明紹腳傷要休養，今次換上此駒唯一贏馬拍檔郭能，似乎好有決心要補中。