隔牆有耳：
誓師大會 十優港姐冇現身
林作爆麥小姐做義工 - 李八方
蘋果日報 2015/11/09 00:00
因女友係十優港姐冠軍麥明詩而人氣急升嘅黃大仙區議會龍星選區候選人林作，噚日舉行誓師大會，不過女友就冇現身，但有兩個佢生命中好重要嘅女人到場打氣喎。大家唔好誤會，八方講緊係佢嘅媽媽同婆婆。林作發言時笑言義工有「女拔十優麥小姐」，之不過唔係麥明詩，又賣關子話投票日會邀請好友支持，「22號睇吓有冇另一位女拔十優」。
原本家住山頂兼係大律師嘅林作突然參選，挑戰現任議員譚香文，唔少人揣測佢扮獨立，實質有建制派「加持」。佢堅稱自己要走泛民、建制以外嘅第三條路，與不同背景嘅人都有接觸，同中間派組織都有初步接觸。至於有傳佢下屆想選立法會，佢話𠵱家完全冇咁諗喎。
原本家住山頂兼係大律師嘅林作突然參選，挑戰現任議員譚香文，唔少人揣測佢扮獨立，實質有建制派「加持」。佢堅稱自己要走泛民、建制以外嘅第三條路，與不同背景嘅人都有接觸，同中間派組織都有初步接觸。至於有傳佢下屆想選立法會，佢話𠵱家完全冇咁諗喎。
泛民建制都站台
噚日誓師，除咗高調力撐佢嘅作家陶傑外，仲有當區前議員、上屆參選獲左派組織九龍社團聯會支持的蔡六乘，同埋2003年代表民主黨參選黃大仙區議會嘅杜俊崎。對手譚香文話自己係該區唯一泛民候選人，造勢活動又有建制派蔡六乘，點解杜會同場撐林作？有民主黨人話唔清楚杜俊崎點解走去幫林作，但佢「突破盲腸」，話譚本身不在民主動力推薦名單，雖譚以前綫名義參選，但佢同時係人力成員，反問人力喺上屆區選，高舉票債票償追住民主黨打就得，有個民主黨員同佢對手站台就大興問罪之師？另外，龍星選區候選人仲有岳敬寬及何偉權。
林作嘅婆婆都嚟撐場，仲話「估唔到個孫咁捱得」。