林雅詩和李日朗等人今日在荔枝角出席剪綵活動，林雅詩兒子正身在英國留學，對於當地疫情嚴重，她表示擔心兒子未能好好照顧自己：「佢而家仲有返學，都擔心㗎，因為啲小朋友意識唔高，所以如果情況再犀利啲我就飛過去，而家日日都了解住佢嘅情況。」

林雅詩近日為一個平台拍攝網上節目，首次跟一班年輕人半夜到鬼屋探靈的她，在該地方曾感覺到有異樣，更擔心年輕人有事主動勸喻先離開。而她早前投資生意蝕6位數字，笑言不會嚇怕，有機會想再做生意：「唔驚，當交學費，我都學到嘢嘅，有朋友叫我投資一齊開餐廳，睇遲啲疫情情況再決定。」

另外，李日朗轉做網上生意，介紹不同產品，他更會先試用才介紹：「試過有一日介紹牛扒，我一邊食一邊介紹，最終賣咗600件，但都唔輕鬆㗎，一朝早食好多牛。」他稱現時學習以此模式營運生意，將來引入自己產品，再用這方式銷售。

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！