甚少談論私事的劉松仁，連於92年與任職國泰空姐的蘇嘉燕結婚也十分低調，比老婆大20年的松哥保養得宜，年屆63歲依然風流倜儻，迷倒不少中女。劉太因工作而經常離港，而松哥亦常往內地拍劇，夫妻聚少離多，不過松哥也不愁寂寞，身邊經常有不同女子出現，繼07年被拍到與已婚富婆盧茵茵到中環shopping，昨又有報道指他於今年初與一名年約30多歲的女子結伴出現沙田馬場。

當時松哥與該中女並肩而行，中女更熱情地蹺住他的手臂，兩人邊行邊笑，當發現有記者拍照時，松哥即鬆開女子彈開，而女子顯得神色驚慌，雙手舉起下意識掩面，其左手無名指被發現已戴上戒指。松哥今次結識的又是富貴女性，該女挽着的手袋掛了馬會會員證章，估計她是馬主親屬。
昨日本報向松哥求證時，他說：「當日喺馬場係大班朋友一齊去，呢個女仔係我朋友嘅女嚟，佢當時有身孕，咁我扶下佢啫！今日睇到雜誌我都有打畀佢兩公婆，我對呢啲報道冇乜嘢，但怕影響人哋。」問到老婆會否生氣？他說：「唔會啦！個個佢都識，可能呢排我有新劇出，啲人畀面送個封面畀我囉！」
此外，在《名》劇中飾松哥元配的韓馬利，昨獲邀在尖沙嘴為活動擔任評判，她笑說：「今次拍攝已經俾佢吸引住，好有魅力。一直都睇好松哥，但松哥對獎項睇得好淡。」
採訪：葉雪