寸嘴芭比夏尉喻（Barbie）早前扮美人魚Rap歌而成功出位，日前她衝出香港飛到日本大戰當紅的船梨精，較量「震功」。穿了低胸裙的Barbie毫不錫身彎腰震動全身，雖然最終敗北，但仍獲對方收為徒弟，傳授其必殺freestyle舞步。

穿上黃色連身裙的Barbie，表示於網上看過船梨精跳舞等影片後已愛上對方。拍攝當天，Barbie見到船梨精，即衝按捺不住上前攬著對方，而船梨精亦對Barbie照顧有加，除傳授她跳舞技巧外，更即席與她大跳freestyle舞，完全無視了在旁的肥腸。正當肥腸打算加入二人一同起舞時，船梨精即推開他，並開始一場搞笑摔角。雖然肥腸在身形上略佔優勢，但摔角能手船梨精仍能完勝肥腸。被秒殺的肥腸，即時拜師希望船梨精能收自己為徒，教授他跳舞及摔角技巧，可惜最終被對方拒絕。

事後肥腸無奈表示：「我真係無諗過佢會sayno！但係佢話下次等佢嚟香港先，我知佢嚟緊11月8號到12尾，喺東港城會有個展覽，到時會一定會再去拜師！」而有幸被船梨精選中收為徒的Barbie，則表示希望有日能如對方般，紅遍全日本：「其實佢真係好犀利，淨係靠肢體語言已經可以表達到咁多嘢，仲要咁成功令大家鍾意佢，自己都好想有日做到！」問到Barbie何以不邀請對方一同rap其成名曲「美人魚」？她笑謂：「我未學識日文，等我下次先同佢啦！」