曹永廉（廉記）與姜大偉女兒姜依蘭於07年結婚，婚後育有一對仔女，不經不覺，大仔曹保熙已經六歲，細女曹曦文都三歲，今午廉記喺微博貼咗兩張囝囝相，原來佢個囝囝畢業喇，佢話：「終於等到保熙大學畢業喇……唔係……係幼稚園畢業。」即係保熙嚟緊就要入讀小學喇﹗

另外，經常喺微博貼囡囡相嘅混血模CaraG.，繼續晒佢同老公Jesper及囡囡India照片，今午Cara再貼一家三口溫馨照，Cara身穿三點式，而老公Jesper亦裸上身喺沙灘合照，兩公婆身形弗爆，兼笑容一致，而囡囡亦狀甚可愛呢。