《復仇者聯盟3：無限之戰》今年四月就會上映，啱啱最近嘅預告又再一次出爐，當大家都以為會喺同之前嗰幾條相似嘅時候，事實就同大家諗嘅一樣，因為今次呢條預告，所有嘅嘢都係之前未睇過，依家就同大家搵幾個重點出嚟。

1.Ironman件甲識變形，睇上幾條預告都知，今次Ironman嘅甲好似黑豹嘅甲咁，唔使再好笨重咁着，變到好似喺身體走出嚟咁，而今次嘅預告就睇到腳合埋，變成一個大嘅推進器，可以想像仲有其他嘅武器可以變出嚟。

2.洛基嘅立場一向都係謎團，到底會幫復仇者手，定係會幫魁隆（Thanos）手呢？今次預告會有少少蛛絲馬跡，因為可以好清楚佢企喺魁隆嗰邊，不過畀你估到就唔係洛基啦。《雷神3》洛基趁亂拎走埋宇宙魔方（Tesseract），今次預告仲見到Thanos手執魔方……

3.銀河守護隊終於同復仇者見面，雖然銀河守護隊已經出咗兩集，但佢哋一直都未同復仇者見面，今次預告仲可以見到星爵同Ironman一對答，有少少火花。

4.鷹眼到呢條預告都未見人，出過咁多條預告，都仲未見過鷹眼，唔通今集冇佢份？仲有個未見人嘅，就係蟻俠喇，不過有可能佢縮得太細睇唔到嘅。

至於其他重點仲包括~

5.Bruce Banner喺《奧創紀元》同黑寡婦已經一齊，但最後分開咗，Bruce Banner俾Hulk霸佔身體，喺《Thor3》就為誤打誤撞見番黑寡婦嘅影像先至「醒番」，今集《無限之戰》預告終於見番佢哋一齊喇！傳聞Hulkbuster今次係由Bruce Banner操控，今集大戰前夕鏡頭影完黑寡婦憂心忡忡咁擰轉頭望過去，跟住鏡頭一轉就見到Hulkbuster，咁算唔算係一個hint？

6.大家都聚精會神逐秒睇究竟邊個超級英雄「領便當」（即係死），而且仲係冇得翻生嗰隻。今次呢條預告，似係Ironman同美國隊長最有機會。但Cap竟可以一人之力擋住Thanos隻手同無限手套，似乎又升咗呢。

7.Soul Stone（靈魂寶石）仍然不知下落。

精選娛聞，喺晒《娛果》
http://fb.com/appledailyent