樂怡話Alan係屋企大仔,對於生仔壓力,愛妻心切嘅Alan話:「睇吓點啦,生兩個夠,太多好難控制。」樂怡即甜絲絲話:「太好嘞,家要減磅,要減13磅,下星期會去日本影婚紗相,唔擔心輻射,文頌嫻都話冇事,我信佢。」
樂怡仲話未來奶奶同老爺都好錫佢,反而家最煩係搞婚前派對,佢話好友湯盈盈玩得好癲:「佢最賤格卑鄙,有啲賤格遊戲都係佢諗,叫佢快啲結婚,要玩番佢。」
對於有報道話周家蔚同洪天明婚禮上,姊妹群起媾男星,樂怡覺得報道唔可信,佢係現場又睇唔到,佢仲反擊班兄弟話:「佢哋嗰班人係瘀血,不過佢哋都當我係瘀血,咁靚仔咪畀人媾吓囉。」