蔡少芬（Ada）、陳豪、黃德斌等演員昨日為劇集《飛女正傳》在將軍澳電視城開鏡拜神，Ada以劇中「平胸啤梨妹」的造型出現，她說：「呢個造型又要束胸，又要用好多人造棉去加大下圍，着咗人造棉後，個身又焗又重，行多兩步都覺得好攰，最慘係有時會焗到隻腳好痕，就算幾核突都要伸手入去𢱑。但到要扮女超人嘅時候，又要谷胸同紮腰，真係好辛苦。」

朱慧敏看淡感情

早前Ada吊威吔拍攝時撞傷頭部，問到她老公張晉有否肉痛，Ada笑說：「佢話好肉痛，我見佢咁緊張我梗係開心，真係好抵，不過佢點樣錫番我，就梗係唔講，總之好甜啦。」
自稱屬「悶蛋」的陳豪，笑言希望可以嘗試做占士邦和超人的角色，即被現場記者取笑他有「中年危機」，陳豪聽罷後「啋」了一聲，他更笑說：「拍戲可以有好多女朋友，不過現實生活唔得。」
此外，近日朱慧敏與趙永洪傳緋聞，她否認與對方拍拖，雖然她未有正面回應是否因「車震」事件而留有陰影，但她承認一向對感情看得很灰，又抗拒與圈中人拍拖。
採訪：何慧斯
攝影：陳順禎