表情王蘇偉賢周三（5日）派出八匹馬參賽，係今期出馬最多練馬師，擺明車馬大舉搏殺，一定要吼到實。

今朝（4日）七點半，列陣第一場五班快活谷1650米「堅離地」助手策騎出內圈踱步，蘇偉賢踩住單車從馬房一路跟住馬匹出圈，在飛機坪出口更專登停低，隔住欄桿落策騎指示，全朝最緊張呢隻參賽馬。

「堅離地」上一場初次配潘頓跑五班快活谷1650米，結果只係以馬頸位敗於「荷蘭風車」得第二，欠咗少少運氣，今次原班人馬捲土重來再跑此程，絕對有能力收復前失。