張鈞甯今日以女神look，喺圓方出席化妝品牌全新代言人活動，仲分享護膚心得，同場仲有黃婉曼、蔡雪瑩同方健儀。張鈞甯表示好注重飲食、做運動，以及護膚品嘅成份，問佢平時花幾多錢喺護膚上？佢話：「這是必定要投資，但我沒有特別去計算，現在我已有贊助。」接唔接受美容醫學？佢表示：「還是不要比較好，但是每個人都有選擇，不過現在的我不想做這件事情。」如果年紀大呢？佢笑住話：「我覺得每個年紀都有這個時候的好看，有張照片是一個6、70歲的女人抱着小孩，臉上都有皺紋，我覺得很美。」

張鈞甯一直都忙於工作，早前抽空同家人去日本旅行，之後就要繼續開工，幸好聖誕節同跨年又可以同家人一齊過，所以佢好期待。問到男友？張鈞甯笑指：「我也想，但現在我很忙，大家很害怕跟我談感情，會覺得我沒空陪他。facetime？我覺得沒辦法真的交流。」點算好呢？佢即刻望住身邊嘅經理人笑謂：「老闆，怎麼辦？我已經不小啦！」放低工作去拍拖？佢覺得咁樣好難，因為佢係一個工作狂：「雖然現在與薛凱琪在同一個地方，但各有各忙，見不到，很誇張。」

黃婉曼今年7月生咗囡囡Kyra，係佢產後首次出席公開場合，佢笑住話：「要賺奶粉、尿片錢，不過出門口，好唔捨得。」講到佢0依家餵人奶，不過因為唔夠奶，佢要食魚湯、食雞飯，所以肥咗唔少，佢話：「唔敢磅，我諗住餵人奶餵到個女6個月大先，0依家豁出去，肥都冇法。」生多個先減？佢表示：「如果有能力，我想一直生，雖然頭一、兩個月，我覺得好絕望，兩、三個鐘要餵一次奶，要了解佢嘅需要，搽咩護膚品保護佢嘅肌膚，去唔去到便便，所有都係學問，但係BB好可愛。」

更多娛聞，喺晒《娛果》
http://fb.com/appledailyent