打風喇！打風喇！天文台喺下午5時20分，發出8號東北烈風或暴風信號，無論係放學定放工，出到街都要小心安全，同記得帶遮！（新聞連結： http://bit.ly/2se12hR ）

以家庭為重嘅陳茵媺（Aimee），主力湊住三個小朋友，所以暫時都無諗住全面復出。今日Aimee就趁住改掛8號風球之前，去咗尖沙嘴海運大廈行街，身邊唔係老公陳豪，亦唔見三個小朋友，同行嘅，係一位大肚嘅女性友人。

Aimee同腹大便便嘅女友人，大約晏晝3點現身海港城，佢哋行到去玩具反斗城，好自然咁邊傾邊講就入咗去，戴住黑超嘅Aimee即刻行咗去女童部，佢先係拎起一塊女童畫板，又研究咗一啲玩具泥膠，不停問友人意見，似乎一心係想買玩具俾一歲大嘅囡囡陳凱婷（Camilla）。

記者上前打招呼，Aimee大方任影，不過拍照前佢特別除去外套，仲講笑貪靚叫記者影靚啲，Aimee話最近都係忙湊小朋友，問佢點解唔見其他家庭成員？佢話：「老公o依家負責睇小朋友，我就負責出街買玩具俾小朋友玩。」問Aimee係咪揀八號風球出街？佢話：「唔係，都啱啫，o依家買埋就要返去。」

想隨時獲得更多親子資訊，快啲like Easy PaMa Facebook啦！
https://goo.gl/1qWM8g