周潤發家姐周聰玲相展 分享用23年捕捉蜻蜓交配圖
蘋果日報 2021/06/10 21:12
周潤發周聰玲相展蜻蜓交配
周潤發家姐周聰玲近日參加在沙田大會堂舉辦的「山川有情」相展，她挑選了一些精選的蜻蜓和蟲鳥相作展出，玲姐指她的多張作品花了超過10年時間才拍攝得到，玲姐對這次相展非常重視，連日親自在會場做接待，昨日好友們都來撐場。玲姐更向大家講解每張相片的特別地方。
74歲的玲姐向來抱住「癲癲廢廢唔識閉翳」的人生觀，樂做快樂老人，她平日最愛周圍郊遊影靚相，玲姐擅長拍攝蟲鳥花卉，她介紹這次相展的一批靚相，其中最愛的一張是斑麗翅蜻蜓交配相，玲姐表示這張相花了23年才拍成：「要捕影蜻蜓交配相當唔容易，好講時機，呢張相真係好難，記得我同阿媽呻過，佢笑話餓死我都未影到。」講到那張斑麗翅蜻蜓交配相，玲姐謂憑着累積的經驗，她每次拍照必定帶備糧草出動，「嗰次我冇帶腳架，同行朋友好好，佢話借個膊頭畀我，就係咁一秒影到。影蜻蜓嘅天氣係好曬、好熱、好多蚊，差啲會中暑休克暈低，唔係講笑，不過我次次都有備而戰，我會帶定凳仔同雨遮出動。」
發哥家姐玲姐是快樂老人，熱愛攝影，有空即四出影靚相。
玲姐近日在沙田展出自己作品。
玲姐的多張蜻蜓靚相都花了逾10 年才拍成。
玲姐為大家分享拍攝時的苦與樂。
玲姐親到現場招呼好友。
-----------------------------