日本人氣組合AAA出道10周年，今年佢哋就到香港同埋台灣開騷，由於兩地演唱會都反應熱烈，AAA將再接再厲，或者打算明年再開亞洲巡迴騷。

AAA由西島隆弘、與真司郎、浦田直也、末吉秀太、日高光啓、宇野實彩子、伊藤千晃組成，隊中女成員伊藤千晃曾拍台灣偶像劇《蜂蜜幸運草》，當年佢同彭于晏、鄭元暢、李國毅同埋張鈞甯拍檔，早已吸納唔少台灣粉絲。

今年4月AAA去台灣開騷，伊藤千晃為代言化妝品charmingkiss於台北連走四場見Fans，而佢近日又再單拖來港，噚日、今日共會於港九各地搞四場粉絲活動。噚日下晝兩點，千晃現身銅鑼灣SASA，黃昏就接住到銅鑼灣LOG-ON，吸引大批擁躉捧場。到今日，千晃會繼續走兩場，下午兩點先到太古城LOG-ON，跟住五點就會去尖沙咀SASA，要見偶像就咪遲到喇！