馬會投放大量資源培訓人材，尤其是見習學員，每朝總不下十個八個藍黃格仔帽的「學神」在跑道上訓練，要成功驚馭一匹馬，除體能、膽色之外，幸運之神眷顧都非常重要，近季維持一年一個十磅見習生，能夠從數十人中突圍而出，能力及實力不容置疑，

而作為練馬師，每位都想收納十磅仔為徒，在僧多粥少情況下，新見習生又豈不會大放異彩。

周日（31日）輪到陳嘉熙登場，幸運的並不只是呢位後生仔，還有其師傅羅富全，本身馬房已經質新惡馬多，再加上十磅仔的威力，可想像得到成績自然更上一層，今季尚有三個半月，羅富全要追上蔡約翰做冠軍，nothing is impossible。

睇陳嘉熙騎姿，可以用「四正」來形容，鬥落夠唔夠硬淨，就要睇臨場發揮，但可以肯定的是，今期賽事已經大受練馬師歡迎，除師傅支持外，大摩、方仔、賀賢都有馬交予上陣，即打響頭炮亦不足為奇。

其中對第五場四班1800米，「精彩飛動」最有好感，上仗轉方廐一出即勝，撇除評分有利之外，關鍵在於除去雙杆型口銜鐵，換耳套加環型口銜鐵便立即奏效，無論情緒及韁口都搞到妥妥當當，上仗何澤堯負123磅兜彎蝕位都贏，今次方嘉柏借用陳嘉熙只負122磅排三檔靚位，要添食看不到有甚麼難度。

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
3月28日 10am-11pm《MINI GAME大挑戰》
玩小遊戲隨時送你去任何地方嘅來回機票
https://bit.ly/2WigzsG