44歲日本變性藝人春菜愛以搞笑形象大受歡迎，上年佢滿心歡喜話遇到真命天子，點知日前佢喺日本電台節目中自爆失戀，唔止受情傷，更哭訴被年輕21載嘅小鮮肉借名詐騙。

春菜愛去年4月4日邂逅呢位男子，之後好快發展出同居關係，對方更稱春菜愛做媽媽。不過，春菜愛之後發現男友借其名義到處借貸巨款，總金額高達近2億日圓（約1360萬元港元），後來對方人間蒸發，春菜愛輾轉得知原來男友係個情場騙子，專門以變性人為對象進行詐騙。

春菜愛表示被男方取得個人資料後，就到處在外借貸巨款，佢當時發覺男友全身名牌貨，仲以為佢家境富裕，但係交往期間，所有費用以及送俾春菜愛嘅禮物，全都係靠呃嘅錢得來。

春菜愛感情路上一直不順，佢邊喊邊喺節目招募新男友，徵求有意同佢結婚過下半世嘅另一半。