有網民今午在沙田新城市廣場發起「沙田和你溫」活動，旨在聚集年輕學生一起溫習以為考試作準備，現場有10多名中學生參與、亦有小六學生到場一起溫書。惟活動未開始前，已有防暴警察在新城市廣場的巴士總站戒備，現場最少有3部警車停駐在巴士站，防暴警察一度下車戒備，廣場內亦有多名疑似便衣警員監視，有參與者直斥荒謬，「溫書都要俾人監視？」

「和你溫」的其中兩名發起人JY及KY表示，這半年由於反送中運動的緣故，「好多學生手足無時間溫書，因為要上前線或者後勤，活動目的係想畀學生手足有時間同埋空間去溫書。」除了學生外，亦有市民到場義教，為學生解答學業上的難題，「過完聖誕之後，好多學校都要考試，有義教喺度都可以幫吓佢哋。」

中四學生Isaac指過去半年隨着運動發展難以專心學業，「每日睇到啲新聞都會覺得好傷心、好心痛，無辦法有個好好嘅心情去讀書，今日嚟都係想畀自己可以集中精神溫書。」他形容，今次是有志同道合者一同溫書，「大家互相幫忙，亦都有一啲義教老師幫我哋，都畀個機會自己暫時忘記呢排發生嘅嘢。」對於警方的高度戒備，Isaac指「可能佢覺得我哋好暴力啦，可能佢哋覺得溫書對市民都係好煩擾掛。」

另一名18歲參與者James直斥警方的佈防荒謬，「溫書其實唔需要搞到咁大件事，警察覺得我哋一定會去搞事，但我想同佢哋講，我哋都係會做好中學生本份溫書。」他又指不會因監視及干擾而被嚇怕，「覺得好荒謬，點解讀書時會無啦啦有一班人嚟監視，咁多個人喺度讀書，而警察喺度望住，我覺得係備受監視同騷擾。」

大學生Gladys今午抽空前來義教，由於很多中學生聖誕後要回校考試或準備DSE，「呢排有好多罷課同有學生被捕，希望可以藉依個機會幫佢哋溫書。」她為現時的中學生感到心痛，「每次同朋友傾起都會好想喊、好唔開心，佢哋係犯咗法，但唔係犯咗罪，我希望可以用我嘅知識去幫佢哋。」

-----------------------------

民陣元旦大遊行

日期：2020年1月1日
時間：下午2時集合
路線：維園中央草坪至遮打道行人專區
主題：毋忘承諾 並肩同行
*不反對通知書申請中
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
無懼警暴 學懂自救
《抗暴之戰●法例須知》讀果 上架
-----------------------------
【撐學生】
召集有心人 撐學生全年睇《蘋果》
立即按此