【橄欖油王子襲台】速水直道出席台灣美食展 機場親民派簽名
速水直道橄欖油王子靚仔廚神
日本型男速水直道出道15年,今日佢終於首度到台灣,不過貴人出門招風雨,今日台灣當地豪雨,好彩冇影響到速水航班,更比預定時間提早抵達。32歲嘅速水穿牛仔外套配一身輕便打扮,表現親民,見到粉絲更有握手及簽名。
速水此行預計留台兩日一夜,聽日會為台灣美食展宣傳,下月21日至24日會再到台灣一次,與粉絲近距離接觸。
速水近年轉型成靚仔廚神,為晨早節目《ZIP!》主持「MOCO'S KITCHEN」烹飪單元環節,吸引大批師奶觀眾支持,更於7年前推出食譜,而佢出名最愛用橄欖油,被網民封為「橄欖油王子」。