「波叔」沙格畢朗高漢，套套戲都係玩騎呢玩鹹濕，不過形象癲喪嘅佢，反而有個鬼咁正常嘅家庭，佢個靚老婆《潮拜購物狂》女星艾娜菲舒亞，大前日就帶住兩個超級可愛嘅囡囡喺加州行街，大女Olive擔住遮仔，艾娜就抱住細女Elula，仲肉緊到咀細女一啖。Olive亦錫到妹妹燶，摸下Elula個頭佢，溫馨到爆。