今次沈、韋繼續有合作，其中第六場「華麗登場」大前仗贏田草1200米，由頭放到尾，縱使所贏對手非太強，但當時只是出道第二仗，況且可以由1000轉1200米即贏，某程度上會對這類馬加分。可是最近兩場，部署打倒褪，尤其是前仗有1200米贏馬路程可報，沈集成該場更無馬報名，無故安排轉跑1000米，結果慘敗，上次仍唔信邪再報同程，改抽有利外檔，再輸多次無得賴。今次終於不再堅持出王牌跑番1200米，並復交贏馬拍檔韋達騎，最終會唔會因連輸兩次，影響埋今仗？真係要跑過先知。不過，看見「華麗登場」復課，不論快、慢試，外觀仍省鏡之餘，神態、情緒等不覺有何問題，睇落一切正常，至於真的會否有後遺症，已經無得計，初步仍傾向看好的。

詳盡內容可留意明日<<蘋果日報>>及蘋果馬網 http://hk.racing.nextmedia.com