當年今日
關於我們

饒珮君傳授舞功
收10萬鑽飾回禮

蘋果日報 2006/12/22 06:00


饒珮君為專心發展舞蹈事業,再沒與亞視續約,還在一年前與拍檔周志坤創辦跳舞學校教授拉丁舞。上星期剛好創校一周年,適逢一班學生在英國皇家舞蹈試考取好成績,於是饒珮君在校舍舉行聖誕晚會,與部份學生及家長歡度一番。
當日有學生送上近10萬元鑽飾給饒珮君和周志坤,難怪二人笑逐顏開。視學生如家人的饒珮君說:「呢一年雖然好辛苦,但係班學生有咁好嘅成績都值得。𠵱家佢哋會自動自覺返嚟練舞,加上喺呢一年入面,我哋由幾十位學生增加到200幾個,地方真係唔夠用,所以真係想搵一間大啲面積嘅studio俾佢哋。我睇緊位置㗎喇,如果搵到一個4,000呎嘅地方做ballroom俾佢哋練習就最好啦!」
新一年即將開始,饒珮君已滿腹大計,她說:「我想搞多啲跳舞騷,班學生就有多啲演出機會,想畀大家知道我哋係一個team出嚟,係有一個班底。」
饒珮君更希望創立一個服裝品牌,她說:「嚟緊我又會做一個公開舞蹈比賽嘅評判,第一次做評判咋!呢方面可以擴闊我嘅眼光,而且可以累積多啲經驗。但最想就係搞一個跳舞服嘅品牌,所有衫都係我設計嘅。」
採訪、攝影:王連連