楊思琦今日去到港台接受訪問，早前推出寫真大獲好評，人氣及工作量同樣增加，但同時吸引無良網民，近日思琦收到fans通知網上流傳佢寫真中露點相，思琦話：「我收到通知嘅時候都好驚訝，有必要立即發出聲明，原本我想拍一本用作慈善嘅健康寫真，但估唔到會俾人哋P圖，將我個頭key落去濕身透視有好多點嘅身度。」

由於思琦啱啱收到通知就立即出聲明，以免令大家引起誤會，但後續行動就要交畀相關人士再了解後才做，問到以前試過被移花接木未？佢話：「都有試過將我個頭駁落去唔同造型嘅衫上面，但係今次咁就未試過，唔係好接受到。」

身邊不少朋友及fans都問幾時出第二本寫真，不過有出版社邀請佢出以文字為主嘅書，佢話：「由以前養寵物邀請我出寵物書，到o依家教小朋友嘅書，不過出以文字為主嘅書，需要好多時間，暫時都未有時間可以去做到。」

精選娛聞，喺晒《娛果》
http://fb.com/appledailyent