年輕時飽受暗瘡困擾令皮膚留下疤痕的無綫男藝員林嘉華，近年仍要不停接受療程，皮膚情況大有改善；他鼓勵年輕人，即使青春期臉上狂爆暗瘡，也不必鑽牛角尖：「現今社會好講究包裝，我承認第一個印象，儀容真係好緊要；但其實相處落去，內涵、工作態度同待人接物呢啲內在美，反而更重要，而且家醫學同科學昌明，暗瘡問題係好容易解決。」

「並非嚴重到生無可戀」

林嘉華以自己為例，作為藝人靠臉孔搵食，但仍有耐性去找醫生治療；他以過來人經驗勸勉年輕人，遇到這些青春期問題切勿亂思緒。他說：「世界上冇問題係解決唔到，後生仔做任何嘢切記三思而後行。」
另一名無綫藝員馬國明亦自爆青春期臉上暗瘡非常嚴重，他形容：「我當時塊面真係似蜜蜂竇，當然會影響儀容，但又並非嚴重到生無可戀。」馬國明表示，當年也有找醫生和專業人士治療暗瘡，所以他對暗瘡病患者忠告，首要注意飲食、生活習慣和清潔護理：「太嚴重當然要請醫生幫手，至於去暗瘡印，其實大大吓就會褪色，唔使太擔心，有問題可以請教專業美容師或皮膚科醫生。」本報記者