韓國神劇《太陽的後裔》嘅宋仲基同宋慧喬上月31號結婚，婚後翌日佢哋未有即時起程去度蜜月，反而待宋仲基出席完金柱赫嘅喪禮後，雙宋就已於前日出發度蜜月。

雖然事前雙宋方面就未有透露去邊個地方度蜜月，但最終就被網民於西班牙嘅機場捕獲到雙宋，所以令雙宋嘅蜜月地方亦都曝光。而今日亦都有網民喺西班牙街頭捕獲雙宋，兩人婚後就唔再避忌，喬妹喺街頭蹺實老公，不過估計西班牙當地天氣都幾凍，見喬妹着住長褸仲戴上帽子，似乎好凍咁。

另外，喬妹噚日更新Instagram，更上載當日婚禮照片，即時吸引逾200萬個like，認真犀利。同時有當日去雙宋婚宴嘅人就指雙宋喺現場聽到好友玉珠鉉唱結婚祝歌時，二人都感動落淚。

更多雙宋，喺晒《娛果》
http://fb.com/appledailyent